Saturday, November 29, 2008

KRC'S Monthly Activities

Please open with Internet Explorer.

Read more »

Sunday, November 23, 2008

Duwa Mahkaw Hkun Sa hte' hkrum shaga ai lam galaw

KNO(Kachin National Organization) hte ENC(Ethnic Nationalities Council) a Ninggawn amu madu rai nga ai, Duwa Mahkaw Hkun Sa gaw, mani(22.11.2008) shana hkying (7) e', Malaysia kaw nga ai, KRC, KNO, WunJat kaw na magam gun ni hte' Myu sha lam yen hte' seng n-na KRC rung e', tsun bawng bang jahkrup hpaji jaw lai wa sai hku re.

Zuphpawng kaw sa du dung lawm ai, myit su ni hku n-na, langai hpang langai, madu a mying, a myu, myen mung gara kaw na, ya' gara magam bungli hta shang tsap gun hpai nga ai ni hpe shachyen ngut ai hpang, Duwa Hkun Sa hku n-na, mung masa hte' seng ai, shi a mahkrum madup ni hte' sa du dung lawm ai myitsu ni hpe hpaji jaw lai wa sai re.

Anhte Jinghpaw mung hpe awm dawm a hkaw a hkang(snr) gum rawng gum sa ladat hte' up hkang ai Mungdan(snr) Mungdaw langai byin wa na matu, hpa baw ladat ni lang let galaw hkawm sa wa ra ai, langai hte' langai, uhpung hte' uhpung myit hkrum ra ai, mung masa hpe ganing re ai ladat myit jasat ni hte' galaw ra ai nga ni hpe, Duwa Hkun Sa hku n-na, sang lang dan mat wa ai hku re. Bai n-na, anhte Jinghpaw ni, media hpe a kyu rawng rawng chye jai lang jashawn ra ai nga n-na mung hpaji jaw ga tsun mat wa sai hku re.

"Myu hpe n-gup hte' sha n-tsaw ga. Ta tut magam bungli ni hte' tsaw ga" nga n-na mung tsun shadum lai wa sai hku re. Shi hku n-na mung, England mungdan kaw mai nga nga ning leng e', Myu hte' Mungdan a matu ngu myit let, England kaw na, Thailand de' htawt sit wa n-htawm, mung masa lam yen hta, KNO/ENC a ning gawn amu madu hku n-na, shang lawm gun hpai nga ai re lam chye lu ai. KRC ningbaw Maran Di La tsun dan wa ai hta, "N-dai Duwa Hkun Sa gaw, htawng (7) ning rawng lai wa sai rai n-na, htawng lahkawng (2) ning hta rawng nga yang, myen asuya hku n-na shi hpe, "Nang hpang de' mung masa bai n-galaw sai nga ai hpe lekmat lu htu yang gaw, nang hpe dat ya na" nga tsun tim, Duwa hku n-na, "ning dang" kau ai hte', htawng (7) ning rawng lai wa sai re" nga n-na tsun dan wa ai. Dai hpang, Duwa Hkun Sa hpe, KNO a ningbaw rai nga ai, Bawm Wang La Raw shaga la n-na, KNO Ginjaw a, Ning gawn amu madu lit shatsam da hkrum sai re lam chye lu ai.

Duwa tsun n-gun jaw lai wa ai hta, Mungdan Gawda Tara (Constitution) hpe hti n-na hka-ja yu na matu mung n-gun jaw lai wa sai hku re. KNO ni ka da ai, Kachin State Constitution Draft hpe mung hti n-na, mu mada ai lam ni hpe tsun dan marit, nanhte tsun dan jang she', ra rawng ai lam ni hpe anhte hku n-na, bai gram lajang n-htawm, Second Draft hpe bai dip shapraw mat wa na re lam tsun lai wa sai hku re.

UN(United Nation) kaw na, myen asuya hpe galoi mung tsun nga ai, "tri-partite dialogue" byin wa sai ngu ga. Myen asuya hte' tsun shaga shing jawng na a tsam, hpaji chye ai masha anhte kaw marai kade' nga sai kun ?? nga ai ga san(question) gaw, mung masa, myu sha lam yen hta shamu shamawt nga ai, myitsu salang ni a kraw kata de' a dawt shang bang mat wa sai hku re.

Read more »

Malaysia Htawng na Laput lu pru wa sai

Slg Laput gaw jalan alor ,Kaw 6.08.08 shani rimhkrum nna Malaysia Hkyuk htawng de du mat wa ai,21.11.08 Kualalumpur de atsawm sha bai du wa ai majaw Karai a chye ju shakawn ai lam tsun dan nga ai...

Slg Laput shi mahkrum madup hku nga yang Malaysia Htawng kaw yaten rawng ai ni gaw moi na hta grau jam jau ai lam ,Bai nna UN lekmat nlu ai ni rai jang grai roi sha hkrum ai lam, hpa Lekmat wa lu tim Malay ga n-chye shaga ai ni gaw ram ram zingri hkrum ai lam tsun dan nga ai..

UNHCR lekmat lang ai ni gaw Nang malaysia Upadi (law) hpe tawt lai ai, lekmat n-nga ai re i ngu san yang re nga ai ni hpe gaw tara je yang n-na, htawng na' na' bang n-na, lamu ga jarit de sa kau n-htawm Gumhpraw RM 2000 jaw n-na malaysia de' bai shang wa ai lam... Rai tim shi gaw Ngai Tara n-shang nga ai (law ) hpe tawt lai ai lam n-nga ai...

Ngai hta UNHCR lekmat nga ai ngu n-na jaja tsun ai majaw UNHCR kaw na ni (Lawyer)tara dak kasa shap n-na amu hpe dang hkra jeyang la lu ai majaw, lap myi mung n-jaw ai sha, Malaysia htawng kaba kaw na UN ni sa shaw la hkrum ai lam tsun wa ai. Shi bai kahtap tsun ai hta: shi gaw Tsi lu ai(Kani) amu hte rim hkrum ai re lam, rai tim shi hkum hta hpa tsi hkyep myi mung n-mu hkrup ai sha balik ni rim n-na htawng bang kau ai re lam tsun wa ai..

Slg, Laput hte shan ningrum ning tau gaw Australia mungdan sa na matu hkyen nga ai wa re lam chye lu ai.. Slg, Laput gaw Malaysia mung dan hta 13ning ram nga yu n-na, Myen mung, Malaysia mung dan ni hta Hkyuk htawng law law lang rawng yu n-na bai lawt wa wa re wa mung re lam shi n-ta masha ni tsun ai majaw chye lu ai..

Read more »

Ndai bat laman Malaysia mung dan hta Jinghpaw wunpawng myu sha ni ahkyak ai zuphpawng hta shang lawm

19-21 Nov 2008 laman Asia pacific forum zuphpawng hta Myeng mung nga myu baw sang Ningbaw ni yawng hte Refugee hpe woi awn nga ai KRC, Hte ENC,KNO a Myitsu salang langai rai nga ai Duwa Hkun sa mung shang lawm let hpawng ngut sai lam chye lu ai,Royal Bintang hotel ,Malaysia kaw masha yawng 100 jan ram sadu nna bawng ban lawm sai lam Malaysia shiga lawk kaw nna chye lu ai.Malaysia Mungdan hta shanu nga ai refugee ni a ahkaw ahkang lam hpaw ya lu na matu mung bawng ban ai lam chye lu ai.

Daini 23.Nov.2008 Jahpawt 10:am - 12:00pm ,shara Prince hotel.Kualalumpur , hta
myen mung na Amyusha baw sang (Ethnic) Ningbaw ni hte Mungmasa ning baw rai nga ai myen Democracy uhpung ni yawng pawng hpawm let sadu bawng ban hpawng galaw sai lam chye lu ai,Ahkyak Madung gaw 201o ning Myen mung a ra lata poi hte seng nna gara hku di daw dan na hte seng nna bawng ban ai re lam chye lu ai.NCUB myen salang Dr.San Aung,ENC salang Tedy Bur,FBD na Khin Ongmar ,Malaysia parliman du hkra lu shaga ai kamram ai ningbaw ni hte sadu bawng ban sai lam chye lu ai. Dai ni na hpawng lamang hta gaw Myendat kasa rung na kaichyan ni sadu lagu madat sumla dem ai wa hpe lu rim jep joi ai lam laklai shiga chye lu ai.
______________________________________________________

Amyu sha lam Kata lam shiga

Laksan hku nna KRC rung gawk e Sumtsan na du sa ai Duwa Mahkaw Hkunsa hte mung Myu sha ni a shawng lam hte seng nna KRC Malaysia, KNO Malaysia Ningbaw ni rau man hkrum rai zuphpawng bawng ban la lu sai lam mung chye lu sai.

Read more »

Sunday, November 9, 2008

Tsin-yam masha hkrit tsang shara kawn lawt lu na MIES Jep jen jak

Malaysia Mungdan hta UNHCR Card ngu ai Tsin-yam Lekmat lang da ai ni nau nhkrit tsang ra sa na re lam Mungdan ahkaw ahkang lu ai ni tsun wa ai. Lai wa sai shata praw 3.11.2008 ya sha ni hta Immigration Department ( Mungchying masha rim jep Dap) kawn (Biometric System) ladat hte masha rim ai shaloi jep jen mat wa na re lam chye lu ai. Dai lam hte galaw mat wa ai shaloi gaw UNHCR Card lang tawn da ai ni gaw rim hkrum ai kaw na lawt lu nna, Card lang da ai ni hpe rim shut ai lam nbyin sa na rai nga ai.

The Mobile Immigration Enforcement System (MIES) masha jep jen rim hkawm ai shaloi ndai ladat hte Maigan bungli galaw masha hte Tsin-yam masha ni hpe lata yungnu dip (fingerprints) galaw nna, gara shara kaw mi rim ai rai tim lu gin hka mat wa na rai nga ai. Mungchying masha jep jen dap chyawm Tari wa Datuk Ishak Mohammad kawn Maigan masha yawng hte Tsin –yam masha yang gaw ndai jep jen ladat npu kaw jahpan bang da ra na re lam,tsun wa ai. “Shaloi she anhte ni rim jep wa ai ten, UNHCR Card ajet lang tawn ai ni hte masu lang ai ni hpe garan gin hka lu na rai nga ai”.

Ndai ladat hpe lai wa sai shaning kawn hpang wa sai rai nga ai. Rai ti mung ndai jak a manu gaw RM- 8000 jaw ra ai. Shim lam shara amyu hpan 35 hta lu jai lang nna, masha langai a shingdu labau yawng hpe chye lu na rai nga ai.

Ndai jak ni hpe Bali dap hte Rela( Mungdan shim lam hpung) ni hpe Mungchying masha jep jen dap kawn garan jaw mat wa na rai nga ai.

Ndai lam hpe Malay Mail (04-11.2008) kawn la da ai re.
Ka gale ai, Dure

Read more »