Friday, February 13, 2009

ABC (American Baptist Churches, USA) kaw na, magam gun ni hpe shana shat hte' hkap tau la

ABC(American Baptist Churches, USA) kaw na Hpung magam gun ni hku n-na, malaysia tsim yam masa hte' seng n-htawm, chye mayu ma ai majaw, malaysia nga myen mung myu baw sang shagu hpe woi awn nga ai, tsim yam uhpung uhpawng ni hte' shana shat sha let, hkrum shaga lai wa masai.




Dai hta, February 13 ya, shana hkying sanit(7) daram hta, KRC(Kachin Refugee Committee) hte' CRC(Chin Refugee Committee) kaw na, ningbaw ningla ni hte ABC kaw na magam gun ni shana shat rau sha let hkrum shaga ai lam galaw lai wa sai hku re. Bai n-na, February 13 ya shani hta e' mung, UNHCR kaw na n-nan shatsam da hkrum sai, Malaysia UNHCR lit hkam Officer kaba hte' mung hkrum shaga lai wa sai lam chye lu ai.

KRC Ningbaw Sara Labang Naw Seng kawn, Manau Shadung a lachyum hpe sang lang dan nga yang

N-dai ABC kaw na ni gaw, Malaysia, Thailand kaw na USA mungdan de' du wa ai tsim yam n-kau(madung Hkang (sn) Chin hte Karen) ni hpe, garum shingtau(sponsor) galaw ya nga ai re lam chye lu ai. Dai hta, Jinghpaw gaw, hti dang daram sha naw re lam chye lu ai. Shanhte garum ai ni gaw, ma hkra ngu na daram Hkristan Hpung masha ni hkrai rai nga ai.

ABC, KRC, CRC magam gun ni

N-dai malaysia kaw na tsim yam masa hpe maram ngut ai hpang, Thailand kaw na, tsim yam ginsum(camp) de' bai sa n-na, dai kaw na tsim yam masa ni hpe mung wa sagawn maram yu na re lam chye lu ai.

Hpung dim a kyu hpyi nga yang

Read more »

Tuesday, February 10, 2009

KRC magam gun ni a matu dai na de' na shana shat (dinner)

N-dai shata 19 ya shani, US mungdan de' htawt sit sa mat wa sana, Ah Be hku n-na, KRC magam gun ni hpe, shana' shat hte' n-dai zawn daw jaw daw ya lai wa sai hku re.

Ah Be(Tsap let palawng ahkyen hpun da ai wa) hte' KRC magam gun ni shana shat hpe hkam la nga yang

Ah Be (Tsap let palawng ahkyen hpun da ai wa) hte' KRC magam gun ni

Read more »

Thursday, February 5, 2009

KRC kawn Mount Kiara(Malaysia) nga Jinghpaw Wunpawng Myu Sha ni hpe gawan gatsan(site visit) ai lam galaw

KRC magam gun ni hku n-na, dai hpawt daw, Mount Kiara(Malaysia) kaw nga ai Jinghpaw Wunpawng Myu Sha ni hte' sa hkrum shaga ai lam galaw la lu saga ai. N-dai lamang hta, KRC a 2009 ning galaw sa mat wa na masing ni hte' seng n-na Mount Kiara(Malaysia) nga Jinghpaw Wunpawng Myu Sha ni hpe, tsun sang lang dan ai lam galaw lai mat wa sai hku re.

Mu gun ningnan ni hpe ma shachyen ya let, 2009 ning tsim yam masa hte' seng n-na, KRC Ningbaw Sara Naw Seng kawn du sa ai myu sha yawng hpe, a san a lang tsun jahpra dan mat wa sai hku re. Bai n-na, KRC Malawm(member) ni hkan sa ra ai tara ni hpe mung, Ningtau Amu Madu rai nga ai, Sara Maji Brang Nan kaw n-na shawa hpe tsun sang lang dan lai wa sai hku re.

N-dai kalang na, Gawan Gatsan(Site Visit) galaw ai gaw 2009 ning hta magan gun na KRC magam gun ningnan ni kaw n-na, Myu Sha ni nga ai shara de', shawng ningnan gawan gatsan hkawm ai rai nga ai. Matut n-na mung, ngam nga ai shara ni de' gawan gatsan ai lam matut galaw hkawm sa mat wa na re lam chye lu ai.

Myu Sha ni hte' tsun bawng bang hkat nga yang

Mount Kiara kaw nga ai UNHCR Tsin Yam Masat Lekmat lu da sai Myu Sha n-kau mi a, UNHCR hte' seng ai mayak mahkak ni hpe KRC kawn, ka matsing mat wa n-htawm, Gawan Gatsan hkawm ai lamang ngut ai hte', n-dai mabyin ni hte' seng n-na, KRC kawn bawng bang jahkrup let UNHCR de' bai tang madun mat wa na re lam chye lu ai.

UNHCR mayak mahkak hte' seng n-na, ka matsing la nga yang

KRC Malawm ni a shata mi hta RM lap 10 KRC de' garum ai gumhpraw hte' sha, KRC Rung gaw madung kri nga ai re majaw, UNHCR Tsim Yak Masat Lekmat lu da sai ni mi rai rai, n-lu shi ai ni mi rai rai, KRC Rung kri nga lu na matu, shata mi RM lap shi(10) hpe a lu sha, sa bang na matu mung, KRC a ningtau amu madu Sara Maji Brang Nan hku n-na, du sa ai myit su ni hpang de' hpyi lajin wa sai re.

N-ta madu ni daw jaw daw ya ai, malu masha

Sumla: KRC

Read more »