KRC kawn Mount Kiara(Malaysia) nga Jinghpaw Wunpawng Myu Sha ni hpe gawan gatsan(site visit) ai lam galaw

KRC magam gun ni hku n-na, dai hpawt daw, Mount Kiara(Malaysia) kaw nga ai Jinghpaw Wunpawng Myu Sha ni hte' sa hkrum shaga ai lam galaw la lu saga ai. N-dai lamang hta, KRC a 2009 ning galaw sa mat wa na masing ni hte' seng n-na Mount Kiara(Malaysia) nga Jinghpaw Wunpawng Myu Sha ni hpe, tsun sang lang dan ai lam galaw lai mat wa sai hku re.

Mu gun ningnan ni hpe ma shachyen ya let, 2009 ning tsim yam masa hte' seng n-na, KRC Ningbaw Sara Naw Seng kawn du sa ai myu sha yawng hpe, a san a lang tsun jahpra dan mat wa sai hku re. Bai n-na, KRC Malawm(member) ni hkan sa ra ai tara ni hpe mung, Ningtau Amu Madu rai nga ai, Sara Maji Brang Nan kaw n-na shawa hpe tsun sang lang dan lai wa sai hku re.

N-dai kalang na, Gawan Gatsan(Site Visit) galaw ai gaw 2009 ning hta magan gun na KRC magam gun ningnan ni kaw n-na, Myu Sha ni nga ai shara de', shawng ningnan gawan gatsan hkawm ai rai nga ai. Matut n-na mung, ngam nga ai shara ni de' gawan gatsan ai lam matut galaw hkawm sa mat wa na re lam chye lu ai.

Myu Sha ni hte' tsun bawng bang hkat nga yang

Mount Kiara kaw nga ai UNHCR Tsin Yam Masat Lekmat lu da sai Myu Sha n-kau mi a, UNHCR hte' seng ai mayak mahkak ni hpe KRC kawn, ka matsing mat wa n-htawm, Gawan Gatsan hkawm ai lamang ngut ai hte', n-dai mabyin ni hte' seng n-na, KRC kawn bawng bang jahkrup let UNHCR de' bai tang madun mat wa na re lam chye lu ai.

UNHCR mayak mahkak hte' seng n-na, ka matsing la nga yang

KRC Malawm ni a shata mi hta RM lap 10 KRC de' garum ai gumhpraw hte' sha, KRC Rung gaw madung kri nga ai re majaw, UNHCR Tsim Yak Masat Lekmat lu da sai ni mi rai rai, n-lu shi ai ni mi rai rai, KRC Rung kri nga lu na matu, shata mi RM lap shi(10) hpe a lu sha, sa bang na matu mung, KRC a ningtau amu madu Sara Maji Brang Nan hku n-na, du sa ai myit su ni hpang de' hpyi lajin wa sai re.

N-ta madu ni daw jaw daw ya ai, malu masha

Sumla: KRC

KRC'S Monthly Activities

Please open with Internet Explorer.

July

August

September

Faisal Cup 2008

Lai wa sai, 23/8/2008 ya shani gaw, malaysia nga, tsim yam uhpung uhpawng ni woi awn let, madu organization n-pu na ma ni hpe, hkam ja lam a matu yaw shada let, ginsup baw hpan a myu myu shing jawng poi hpe galaw la lu sai hku re. N-dai hta, uhpung uhpawng shi (10) jan, shang lawm shing jawng ai hpe mu lu ai.

Jahpawt hkying matsat (8:00 am) kaw n-na hpang wa ai, shana de' daw hkying langai (1:00 pm) jan du hkra, gin sup baw hpan a myu myu hpe Kelab Aman K.L ngu ai ginsup pa hta shing jawng lai wa sai. N-dai poi hta, UNHCR kaw na masha kaba langai hte, NBC (USA) kaw na masha kaba langai mung sa du dung lawm let, Ma ni hpe kumhpa shagrau ai lam hta, shang lawm mat wa ai hpe mu lu ai. NGO hkan na, Volunteer marai shi (10) jan mung, n-dai ginsup poi byin tai wa lu na matu, salat she' grit grit rai, shang garum lai wa sai hku re.

N-dai ginsup lamang hta, KRC kawn woi awn let, Jinghpaw Ma ni hte shang shing jawng ai lam galaw lai wa saga ai. Ma ni hpe, uhpung mali garan let, a sak kaji kaba hku hkan n-na, shing jawng lai wa sai. N-dai hta, Num sha ni gaw Netball ginsup ai hta shang shing jawng n-htawm, La sha ni gaw Gaw Din(Football) ginsup ai hta shang shing jawng lawm lai wa sai.

A sak, shi sanit (17) ning n-pu na ni hpe KDO (A), a sak shi mali (14) ning n-pu na ni hpe KDO (B) hte (C), a sak shi (10) ning a n-pu na ni hpe KDO (D) ngu sha mying let, tsang hte' tsang shang shing jawng lai wa sai.

N-dai hta, KDO (A) ni hku n-na, First Runner Up Cup hpe lu la n-htawm, KDO (B) hte KDO (D) ni hku n-na gaw, Second Runner Up Cup hpe lu la mat wa ai hku re. Grai a rawng la hpa rai sai. Masha ni uhpung na, ginsup masha ni hpe yu dat ga nga jang, n-kau kau gaw "Wa Di(uncle)" ngu na zawn re pyi lawm ai.

KRC kawn lit la let, Jinghpaw Ma ni hpe, hpaji lam hta, rawt jat kung hpan galu gaba wa na matu , Setapak hte' Bukit Bintang kaw, laika sharing jawng lahkawng hpaw let, Ma ni hpe laika sharin a chying ya taw nga ga ai. N-dai ginsup poi hta, dai jawng kaw na, Ma ni mahkra ngu na daram shang lawm shing jawng lai mat wa sai hku re.

Grai pyaw ai myi man n-sam ni hte, salat she' grit, jan she' ja rai tim, n-dai ginsup poi hta a tsam htum hkra shakut shaja mat wa ai, Jinghpaw Ma ni hpe yu let, moi na, Ma prat de' pyi dum dum she' nga kau sai.

Ma ni shakut shaja ai a majaw, First Runner Up Cup langai, Second Runner Up Cup lahkawng hte' dum n-ta de' awng padang hte' wa saga ai rai...

KDO (A) U17 ni a, First Runner Up Cup

Masum ting, magawn la mat ga ai.

KDO (B) U14 ni mung, a tsam n-shayawm ai hku re.

Jahkring masha ni, KDO ni hkrai Cup la mat ai nga taw na tsang di, anhte gaw, n-dai sha la ya ai hku re.. :) (KDO U14 )

KDO (D) U10 ni sharawt dat sai, Second Runner Cup...

Matsing: Sumla ni grai naw nga ai. Matut mara(upload) ya mat wa na hku re.

Malaysia du myu bawsang ni yawng gumhpawn n-na "Mungkan Tsin Yam N-htoi" (World Refugee Day) hpe galaw

Malaysia du myu bawsang yawng gumhpawn n-na "Mungkan Tsin Yam N-Htoi" (World Refugee Day) hpe 20.6.2008 kaw a ngwi a pyaw sha galaw la ngut sai hku re. N-dai hpawng hta, saw shaga da ai UNHCR, NGO, Shiga Dap ni kaw n-na myitsu ni mung sa du dung lawm mat wa ai hku re.

UNHCR a gawng malai, Protection Manager hku n-na sa du dung lawm lai mat wa sai hku re. 3:00pm kaw na 3:45pm daram gaw, shiga dap ni hpe, san lang dan ai lam galaw n-htawm, dai hpang gaw, World Refugee Day hpe, NGO kaw na myitsu langai, Pha`-Kyoe rep di ya let hpawng hpe hpaw hpang wa sai hku re. Dai hpang, World Refugee Day Statement hpe, Mon refugee committee kaw na myit su wa hku n-na, du sa ai ni yawng hpe hti dan, sang lang dan mat wa ai hpe mu lu ai.

Dai hpang gaw, a myu baw sang shagu a, htung hkying ka (Culture Dance) ni hte, du sa ai myitsu ni hpe ka manawt dan lai mat wa sai hku re. Langai hte Langai n-gun ni jaw hkat, tsin yam masha ni yawng mung, ngwi pyaw la ai, myi man n-sam ni hte world refugee day hpe K.K a shaman chyeju a majaw a-ngwi a-pyaw sha galaw la ngut sai lam, KRC kaw n-na shana dat ga ai.

Myen hpyen asuya May 10 Referendum hpe Malaysia du Myu baw sang yawng pawng nna ndai zawn ning hkap