Monday, December 28, 2009

Kachin Manau at fraser hill malaysia

2009 ning gaw laklai nshung sama hkam sha lu ai Hkrismas poi ngu mai tsun ai,Bum ntsa katsi pyaw a sha de lung nna Hkrismas manau hpe wu wu didi grai pyaw hkra galaw la lu sai lam chye lu ai,Buga na sara kaba hte hting bu mungdan na Manam jing hku ni hte grai pyaw sai lam na chye lu ai.

















Wednesday, December 23, 2009

Myen hpyenla ni Lahpai Naw seng hpe galun sat kau

Yawn Hkyen Shiga: (Lahpai Naw Seng Asak 28 ning)

Mabyin: Nawng Mi buga Hkalup hpung Nawku jawng e 2009 ning December
shata 19 ya shani Sunday School jawng ma ni a Hkrismat ka hkrang
mahkawn mangoi ni jawm galaw ma ai. Dai shana tsa nang ai Myen Hpyen
la KH. L. Y. 37 kaw na Tat kyat Kyaw Myint the manang lahkawng sa
shalau ma ai. Dai shaloi Ramma Lama Brang gaw 'e dai hku n di ga' nga
nna atsawm sha tsun hparan ai hpe sinda magra nna share wa ai.

1. Hkau na galaw nna wa ai Nding Lapyi mung makau e sha yu tsap nga ai
wa hpe bai nhkyi the galun dat ai gaw pai maga n-gup jut e galun hkra
ai. Magyi kaw mung katset hkra ai rai nna sak se nga sai.

2. Dai hpang Lama Brang a kanau Lama Naw Seng hpe hpe magyi kaw tsawm
ra sung ai hku galun hkra kau nu ai.

3. Makau e tsap nga ai Lahpai Naw Seng hpe bai galun dat ai gaw sinda
kaw sung sung hkra kau ai majaw shana 8:45 PM hta Lahpai Naw Seng nnga
mat sai. Dai amu hpe ya yang jep nga ai. Ndai zawn byin ai amu gaw
buga shagu shalau nga ai hpe chye lu ai. Nawku jawng shingdu e byin ai
majaw kadai mung atsawm n chye kau dat ai. Pyada dap Yekin de shana
ai, Kamaing de shana ai. Hpakant township na ni bai sa wa nna jep
sagawn ma ai.

20th Dec. hta Danai na Ningtau Dap up Bo Hmu chuk Aung Kyaw Htun lung
wa nna ramma shada pyaw shalai nna byin ai lam re nga nna Gumhpraw sen
mi wa jaw da ai. Galun hkrum ai wa hpe Kyats Mun masum jaw dat ai.
Ndai lam hpe lahta de tang na hkyen ai. Hpa mi rai tim, ya ten e poi
lamang shara shagu dai hku shalau nga ai lam gaw grai nhtuk nga ai.
Shiga ginlen ya rit.


Bumwa kawng.

Malaysia Mungdan hta e shanu nga ai Jinghpaw wunpawng myusha ni KDO-KRC Kachin Development Organization (20) Ning hpring poi lamang galaw

  KRC Ningbaw Sum Hka La Seng Poi Amu madu Shd. Hpaude Jaw Tu Hkawng & Shy. Maru Lu Lu Seng Poi Shabyin Shatai Komiti