Sunday, December 23, 2007

Panglai Hkin gau De Hkristmast poi rawt sai (2007)

Malaysia Mungdan du Jinghpaw Wunpawng myusha ramma hte sara /sara num ni yawng dai ning na Hkrsitmat hta kalangbai Port Dickson Panglai hkin gau de ngwipyaw ai hte rawt sai.
Hkristmat poi lamang hta sharin hpawng hta ginsup ai lam,ram ma ni hpe myit sharawt hkaw tsun ai lam,myusha ramma ni shada kahkyin gum din zinlum ai lam hte kaga pyaw hpa lamang ni law law re ai hpa chye lu ai.Ndai Hkrist poi lamamang hpe woi awn ai ni gaw MKBC naw ku hpung kaw na woi galaw ai re lam chye lu ai,24,25,26 December 2007 Masum ya tup poilamang galaw na lam chye lu ai.Matut nna bai shana wa na lam chye lu ai.

Saturday, November 17, 2007

17 Nov 2007 KDO Member Graduate Day






KDO Malaysia Kaw na marai 2 gaw dai ni 17 Nov 2007 shani 2:30pm hta Malaysia mungdan Kalang mare hta Counselling hpaji hpe sharin ngut kre la lu sai lam chye lu ai.
Shawng de MSF Belgium Mungdan kawn hpaw tawn ai NGO's hta magam gun ai sara ma Mery Chew(Malaysian) Kaw nna KDO kaw na marai lahkawng hpe Madi shadaw garum ya ai lam chye lu ai.Jawng shabrai hte ra ai lam ni hpe garum ya ai lam chye lu ai.
sara Ma Mery chew Garum ya ai Jawng ma yan gaw shata 6 (108 Hrs).Laban bat myi hta kalang hpaji sharin la ngut ai hpang dai ni gaw hpung dim dat Jawng yu poi shang lawm sai lam chye lu ai .KDO kaw na hpaji sharin hkam la lu ai yan gaw Sarma Nhkum Lu lu (shatapru) hte Shd : Wundang Seng (Hugawng Danai) de na yan re lam chye lu ai.
Malaysia mung dan na Myanmar refugee Tsin yam, myit daw myit hten myit ru tsang hkrum ai ni hpe shalan shabran ai lam galaw ya nga ai Uhpung ni hte ta gin dun garum ya nga re lam chye lu ai.

Sunday, November 11, 2007

Malaysia du Wunpawng myusha ni rim hkrum ding yang rai nga

Shd .Tusau gaw 03.11.2007 shani Bungli tam na matu Kota raya Bustation de sa wa yang 3:00pm ram hta Relahte Balik ni ram kau ai re lam chye lu ai.Rimla nhtawm Pudu htawng kata kaw 10 ya sharen da nna dai ni lawt lu wa sai lam chye lu ai.

Shd.Tusau gaw Hpa lekmat mung nlu ai (Wadi hte nga ai )majaw IPD balik du wa hpe Malay Gumhpraw 350 jaw nna lawt lu wa ai re mung chye lu ai.KDO mumadu wa kaw nna Pudu htawng kaw sawoi la ai re lam chye lu ai.
UNHCR lekmat lang Passport lang ai ni rai tim mung Malay ga.Enlish ga nchye ai ni hpe gaw Balik ni rim shagyeng nna gum hpraw hpyi sha sha re ai lam chye lu ai.

Dai majaw Malaysia Du Wunpawng myu sha ni grai sadi nna nga ra na lam shana dat ai law.

Friday, October 5, 2007

Myen mung masha tsin yam ni hpe Mtsan dum

Shadang sha Sumdu Htoi mai lawt pru wa, Asak 16 ning re shadang sha gaw UNHCR lekmat hte hpawn Malaysia Balik ni rim la nhtawm Hkyuk htawng jahkrat kau ai shata 6 na ai hpang dai ni bai lawt pru wa ai re.shadang sha gaw Htawng langai hpang langai htawt sharawng hkrum ai hku re,Htoi Mai hpe sharen da hkrum ai hkyuk htawng ni gaw : Kajang Jail,Semenyi camp,sg buloh ,jail ,putrajaya hkyuk, lengeng camp ndai ni re. Kaja wa nga yang UN masat lek mat hte rai nna Htawng de sharen da hkrum ai ni gaw nhtoi 14 ya
laman UN de na ni sashaw la jang lawt lu ai lam nga ai.Rai tim shadang sha gaw 2007 shaning nnan Malaysia mung dan Tara galai mat nna, UN ni Hkyuk htawng de nmai sadu ai majaw shadang sha gaw ya na zawn aten galu sharen da hkrum ai lam re hpe chye lu ai,Bai nna asak 18 ning nhpring ai ma ni hpe gaw 18 ning hpring hkra
htawng kaw sharen da nna she shalawt ai lam mung na chye lu ga ai. Ya na zawn dai ni Htoi mai lawt lu ai lam gaw myen mung de masa shuk (bukda pungyi hte mung masha )ni hpe hpyen asuya wa gap sat ai a majaw Myen mung tsin yam ni hpe Matsan dum nna shalawt dat ai re lam mung chye lu ai, Ndai shata lawt pru wa lu ai jinghpaw wunpawng myu sha ni gaw : slg jan : Pan ing (Australia de ),Shayi : seng hkam,Shd: Htoi mai,Shd: Maran Hkun seng,Shd: Bawm htang,Shd: sharoi,Shd: Galau Gam,Ndai ni re hpe chye lu ga ai.

Tuesday, October 2, 2007

ETHNIC NATIONALITIES JOINT FORCE (BURMA) demonstrations at Kualalumpur

2 Oct 2007 shani Jahpawt (9:00 am-11:00pm ) du hkra ngun madun ai lam hpe Myen mung dat kasa rung, China (Miwa mung)Dat kasa rung, Russia mung dat kasa rung hta galaw lu sai lam chye lu ai. N gun madun ai ni gaw Matut manoi n gun madun ai lamang hpe Malaysia mung dan Kualalumpur mare kaba e awng dang ai hte galaw ngut kre la lu sai, Dai ni na lamang hta laklai ai lam ni gaw, Myenmung nga amyu baw sang Kachin,Karenni,Karen,Arakan,Shan,Mon,Chin ni myit hkrum myit ra hte shang lawm ai lam re.ndai zawn rau jawm n gun madun lu ai gaw No(1) lang mung re hpe chye lu ai.Bai nna Malaysia mung dan asuya Balik dap ni mung nrim ai sha atsawm makawp maga ya ai lam chye lu ai. Dusa ai ni gaw Jinghpaw wunpawng amyu sha yawng-200 jan hte laga amyu sha Yawng-2500 ram re lam chye lu ai.

Tuesday, September 11, 2007

Tuesday, July 10, 2007

Germany Mungdan kaw du nga ai Jinghpaw Wunpawng myusha ni a (1) lang na hkrum zup hpawng

Germany Mungdan kaw du nga ai Jinghpaw Wunpawng myusha ni a (1)lang na hkrum zup hpawng hpe (7.07.07) ya shani Germany MungdanFrankfurt (Main) mare kaba kaw yawng masha marai (16) hte KaraiKasanga chyeju a jaw kabu gara galaw la lu sai hpe Mungdan shara shagu htashanu nga ai tsaw ra ai Jinghpaw myusha ni hpang de n dau shana datgaai law.

**Germany Mungdan du Jinghpaw Wunpawng Myusha ni.***

Germany Kachin Conmunity Email :

germany.wp@gmail.com

zawtun76@yahoo.com

Saturday, June 16, 2007

C.I.J Malaysia shing jawng poi hta Kachin ni No.(2) shagrau kum hpa hkam la

17 June 2007
Centre for Independent Journalism Malaysia
( C.I.J ) kaw nna Kachin ni hpe No.(2) shagrau Kum hpa jaw sai.
Centre for Independent Journalism Radio program hta jinghpaw Wunpawng myu sha (KDO member )ni marai 4 shang shing jawng lawm ai lam chye lu ai.sa shing jawng lawm ai ni yawng gaw CIJ jawng ma ni hte Sabah,Sara wak ,mung daw na jawng ma ni Group (9) rai nna sadu n -gun jaw ai Masha yawng Marai 100 jan re lam chye lu ai.
Shagrau kum hpa hpe Dai hpawt KDO ningbaw ni hte rau University Malaya kaw e sadu hkap tau la ya sai lam chye lu ga ai.

Monday, May 14, 2007

Hkawng zawng lawt lu wa ai lam gaw

(1) Hkawng zawng rim hkrum ai hte shi ga lu la ai.(2)shiga lu ai hte IDP balik rung de sa yu ai.(3)dai hpang I.O balik rung de sa sagawn ai.(4) dai hpang Inspector Hafizi shi hpe rim ai wa hpe sagawn ai.(5)Dai hpang rim hkrum ai wa rawng taw ai Pudu hkyuk de sa sagawn ai.(6) shaloi Balik rung na ni gaw Rim hkrum ai wa hte seng ai document madun na matu tsun ai.shi rim hkrum ai wa a Document nnga ai majaw (7) UNHCR rung de shi hte seng ai UNHCR document lu na matu OPI hte hkrum na matu shani tup la yang she shana daw laika hkap la ya ai.(8) hpang shani gaw OPI wa laikka hkap la ya sai lam shana wa ai.(9)Dai hpang nhtoi 8 na ai hpang Hkawng zawn lawt lu sai...(Lahta na zawn tsang hte tsang ayak ahkak shara shagu du nna she Lawt lu wa ai lam rim hkrum ai wa a amu (case ) hpe azin ayang sagawn galaw lai wa sai...)...KDO amu madu Nwawt Hkun seng kaw nna chye lu ga ai,shana ai Kachin Media Group Malaysia (KMG) shiga dap
(More ++) Hkawng zawn a lam click and see
< http://groups.google.com.my/group/world-kachin-org/browse_thread/thread/dd6275a8d45daa29?hl=en>

Friday, April 20, 2007

Tsin yam rung hta e ndai zawn

click and see below movie

http://www.youtube.com/watch?v=PI96it5u2pQ

Malaysia mungdan Kualalumpur e nga ai UNHCR tsinyam rung hta ndai zawn shani shagu masha hpring chyat re.Jinghpaw wunpawng myu shani mung lawlaw rai nga ma ai.Chin.kachin,kayin,mon,Arakan,burmese,Indo Ache,Pakistan,bangalar hte kaga mung dan ni mung lawm ai lam chye lu ai.
alaysia mungdan du wunpawng myu sha yawng gaw 2000 ram du sai.UN masat hkrum ai gaw 300 ram re.Resgister lu yawng gaw 700 ram rai ang sai.ngam ai hkying myi jan gaw ndai zawn naw shakut nga ma ai.

Malaysia UNHCR gaw yaten masha nnan new registration hkap la ai lam hpe jahkring tawn ai re.

Saturday, April 14, 2007

K.D.O. Malaysia Kachin

Mungdan shagu na laika ni hpe ndai kaw hti yu ga.

http://kachinmail.blogspot.com/ (mail-laika ngau )
http://groups.google.com.my/group/world-kachin-org

Lahta na laika hpe Kachin Development Organization (KDO) a gawng malai hku nna, ngai Tangbau Kam Li kawn htang shana sang lang dat nngai law.

01.09.2003 hta myu tsaw mung tsaw myit rawng ai masha marai 7 gaw Malaysia mungdan hta du nga ai Jinghpaw wunpawng myu sha ni hpe myu sha lam yan hta woi awn gahkyin gumdin na matu lawu de na lam ni hte hpaw ninghtan hpang wa sai rai.
1) Jinghpaw wunpawng myu sha ni myit hkrum mang rum gahkyin gumdin let, rawt jat galu kaba wa na matu;
2) Myu, htunghking hte laili laika hpe makawp maga let, gaw sharawt madi shadaw na matu;
3) Myu sha ni a hkrat sum nga ai, Shinggyim ahkaw ahkang(Human Rights) hpe hkam sha ging ai ahkaw ahkang tsep kawp lu la wa na matu;
4) Ru yak tsin yam hkrum (Kaji dik) ai ni hpe dang di dang dep ai daram garum madi shadaw na matu;
Hpaw ninghtan hpang ai hte yak hkak lam law law hkrum ai hpe chye lu ga ai ( e.g Ningbaw ningla daw ni rim hkrum nna camp de du mat ai hpang, KDO ngu ai mying, mat mat na daram re mat wa ai). Malaysia mungdan kaw, myu sha magam bungli galaw na matu gaw shim lam ahkyak dik re hpe mu chye lu wa ai majaw, UNHCR rung de maju jung matut mahkai let, myu sha ni hpe makawp maga na matu lajang wa ai rai nga ai. Shawng daw de UNHCR lek mat gaw mai gan mungdan sa na matu re ngu ai hpe gadai mung nchye na ma ai. Malaysia mungdan kaw Pyada(Police) ni a lata kaw na lawt lu ai ngu ai daram sha chye na ma ai.
Shawng daw de UNHCR hku nna, Kachin ngu ai hpe masat masa galaw let, lani mi hta masha marai 2 hpe hkap la ya ma tim, yawng shang lawm ai lam gawng kya ai a jaw e, ndai ahkaw ahkang hkrat sum mat saga ai.
2005 ning, UNHCR rung kaw na masha nnan hkap la ai lam pat mat ai kaw na gaw, Malaysia du J.W myu sha ni a zim lum ai lam yawm mat ai hpe mu lu nga ai. Anhte yawng a matu shim lam lu na lam nnga mat ai zawn re nna, tinang a bungli kaw sha shim lam a matu, makoi rawng ra mat ai zawn she rai mat ai.
15.01.2006 hta KDO mu gun ning nan ni hpe kalang bai lata satsam saga ai. 01.03.06 hta KDO rung hte tsin yam ginra hpe, wuhpung hta Ja gumhpraw lap mi pi nnga tim, nawku hpung hkan na hkoi shap let, shagrin la lu saga ai. Yawng rau jawm hkrum zup na shara (centre) langai hte machyi makaw, bungli nlu re nna nga shara yak hkak ai ni a, jahkring mi hkring sa ai shara mung tai wa sai.
Lahta na daw gaw KDO labau kadun mi rai nga ai.
Hpa majaw hpu nau Hkang ni UNHCR de maju jung ai hpe shawng maram yu ga. Mungkan hta "Chin" ngu ai hpe chye na matu magam bungli galaw nga ai masha kaba lachyawk mi sha rai nga ai. Shanhte a masing jahkrat da ai hte galoi mung a tsun nga ai ga langai mi gaw," Anhte gaw ya prat Lak nak lang nna mungdan lu na nre sai; hpaji chye yang she hpaji hte lu hkra shakut la na re; Myen marai 10 hpaji chye yang, Chin marai 10 hpaji chye ra ai," ngu ai shaning ladaw galu masing (long term planning)re nga ai. Re yang, masha wu nawng wu wa hpe hpaji shakung ya na matu gaw, Myen mung kaw nmai byin ai; dai majaw galu kaba taw nga sai mai gan mungdan de a loi sha, Ja gumhpraw nau nma ra ai sha, masha wu nawng wu wa hpe mung lu pru shale na matu, UNHCR lam sha nga ai hpe maram lu ma ai. Thailand kaw gaw Karen hte Karenni ni hpe sha lak san ahkaw ahkang jaw ai majaw, Hkang ni hku nna, Malaysia hpe maju jung wa ai lam mung rai nga ai.
Anhte buga hte masa lam ni hpe bai yu yu ga. Lak nak wu hpung ni mung gap hkat jahkring sai. Myen wa mung Jinghpaw mung hta n gun grau shadat wa nga ai. Miwa mung htu shang wa nga sai. Sut masa hpe myen wa hte Miwa jawm jum kau wa nga ai. Politics expert ni hku nna, KIA/ KIO gaw shaning 15 ram hta mat mat wa na lam nga ai ngu maram ma ai. Gara hku? Hkap la ai nhkap la ai gaw hpang de she re na re; raitim, ndai madang de gaw J.W myu sha langai hku nna, gara hku mung n kam byin wa shangun nngai. Re yang anhte ni hku nna hpa mai galaw na ta?
Anhte Jinghpaw wunpawng myu sha ni gaw, myu tsaw mung tsaw myit rawng nga ai ni chyu sha re. Raitim, Myen wa hpe nlu dang manga hkraw nga ai. Dai hpe yu yang, Myen wa jaw ai hpaji hte sha gaw, gara hku mung mungdan lu na lam nnga nga ai. Anhte a hpaji ninghkring ni hpe mung, mayun gap sat kau ma ai lam ni chyu re. Dai majaw marai 1, 2 sha hpaji chye yang nmai sai. Yawng ngu na daram chye ra na re.
Mungdan(Kachinland) nmat na matu Lak nak wuhpung hte masha n gun nkau mi sin nga ra na re. Maigan kaw du nga ai ni gaw, galu kaba taw nga sai mungdan ni a, hpaji masa hka ja let, ndai mungdan hpe bai lu la hkra, mungkan madang hku bungli galaw sa wa ra na re. Ndai hpaji la na lam hta Malaysia mungdan hpe ngai ntsun mayu nngai.
Mayam ni zawn Malaysia mungdan kaw magam bungli galaw nga ai Jinghpaw wunpawng myu sha ni hpe sa du gawan yu marit. Malaysia mungdan kaw na buga de bai ginhtang wa let, buga kaw galaw lu galaw sha nga ai masha gade wa dang nga a ta? Shaning 10 jan nga yu sai masha ni a prat hpe yu dat ai hte chye lu nga ai.
Dai majaw Malaysia du nga ai J.W myu sha ni a matu lam masum sha nga ai;
1) Buga de bai wa na;
2) Malaysia mungdan kaw bungli galaw let nga nga na;
3) Mai gan mungdan le na;
Ndai hte kaw na anhte a matu gara wa mahtang kaja htum re na hpe myit yu ga.
Buga wa yang hpa galaw na myit a ta? Shawng nmyit yu na gaw hpa hpe mung ndaw dan ga. Malaysia mungdan hta ya ten, Asuya kawn tara n shang nga nga ai ni hpe lani hte lani grau grau shagyip shagyeng wa sai. Rim hkrum yang, Ri Dam hkrum sha na re. Muslim mungdan langai re hpe mung dum ga. Re yang, hpang jahtum langai sha anhte a matu lam kaja hte byin mai ai masa lam ni nga nga ai hpe mu lu ai.
Malaysia kaw Jinghpaw wunpawng myusha ni 2000 dang nga na re hpe maram lu ga ai. Law malawng gaw ramma pan ni re ma ai. Ndai n gun hpe lang let maigan mungdan hta myu sha magam bungli galaw na matu kaja dik ai hpe hkam la lu ai. Raitim, ndai masha ni hpe loi naw shakung jahpan ya ra na re. Yawng a matu myit yang gaw, UNHCR lam langai sha mu lu nga ai.
Masha yawng myit ai lam madung langai nnga yang myit hkrum ai lam nmai lu ai. Malaysia du J.W myu sha ni yawng gaw UNHCR myit mada ai hta bung nga ma ai. De a majaw KDO mung yawng hpe gahkyin gumdin mayu yang UNHCR lam hpe nmai yit kau na re.
Putao, Myitkyina, Hugawng, Man Maw, Sam mung kaw nga nga ai J.W myu sha ni gara hku myit hkrum ai lam lu na ta? Myit masa lam gaw langai hte langai bung nga ma ni? Malaysia mungdan hta dai shara ni hkan na masha hkum sum hpa du nga ma ai. KDO rung hta J.W myu lakung kru a ga shaga mai ai shara re nga ai. Magam gun ni yawng gaw, J.W Myu lakung kru a saidaw saichyen ni rai nga ma ai.KIA ,NDAK,KDA hpyen ma dingsa ni ndai mungdan hta du nga ma ai. Ndai mungdan hta anhte ni myit hkrum ai lam n lu yang gara shara hta lu na ta? De a majaw KDO gaw UNHCR hpe grau maju jung ai.
2,000 ngu ai masha n gun gaw, 1,000,000 mi ngu ai masha hte shing daw yang hpa nrai nga ai. Raitim, ndai masha ni gaw hpang de myu a matu akyu rawng ai masha ni byin tai ra nga ai. UNHCR kaw tang shawn ai anhte a case ni yawng gaw, Buga hta kaja wa byin nga ai lam ni sha re nga ai. Anhte myu sha gara lak nak lang wuhpung hpe mung hkra ai lam nnga ga ai.Buga na ni shanhte kata byin nga ai masa lam ni hpe mungkan de nlu tsun tim, Malaysia du J.W myu sha ni kawn, gawng malai tai let mungkan de tang shana ai lam re ngu hkam la ai. Jinghpaw mung hta byin nga ai ni hpe, J.W myu sha ni ntang shawn yang, gadai tang shawn na ta?
Maigan de yawng sa ga ngu ai hpe anhte KDO mu gun ni mung nhkap la ga ai. Raitim, maigan mungdan ni hta anhte masha ni nga nan nga ra ai. Ya ten, UNHCR rung hta, tinang a Kanu Kawa, Kahpu Kanau, Ningrum ningtau bang la ai hpe pat hkum wa ma sai. Ndai hpe chye na na matu tsun shana ai lam sha re nga ai.
Laga myu sha ni marai 1000 mi maigan du tim, marai 50 dang sha myu sha bungli galaw yang galaw na ma ai. Anhte myu sha ni marai 100 du yang marai 80 gaw myu sha magam bungli galaw na re. Dai zawn byin tai wa hkra KDO hta lit nga ai. Lit nga ai zawn ya ten, J.W myu sha ni shanu nga ai nta shagu hta KDO mu gun ni sa du let sang lang dan nga ga ai.
Ga malai langai nga ai; " Hpaji tam yang, maw hpyi zawn re u" da. Kaja wa myu sha ni kunghpan wa na, maigan mungdan du let hpaji hka ja wa lu na, hpang de myu hte mungdan a matu akyu rawng na she re yang, KDO gaw UNHCR hpe madung dat na sha re nga ai. KDO a laning mi galaw mat wa ai hte awng dang mat wa ai lam ni hpe chye mayu ai lam nga wa yang email hte kahtap san wa marit.
Yawng a ntsa e, K.K kaw na ngwi pyaw ai hte shaman chyeju gaw tut anga nga u ga law.
Myu sha lam hta,
Tangbau Kam Li
Ningbaw
KDO-Malaysia
Phone : (+603) 2145 0430

Monday, April 9, 2007

Myen mung masha ni tsin yam rung shawng hta n gun madun..

UNHCR-Malaysia a, mai gan mungdan de masha sa ai lam (Resettlement program) hta Myenmar muslim hte Rohingya ni hpe n shalawm ya ai hta sha n ga, UNHCR rung kaw mung Hkang(Chin) myu masha ni hpe sha lak san ahkaw ahkang jaw ai a majaw, dai ni 09.04.07 jahpawt hkying 10:00am daram hta,Malaysia mungdan UNHCR rung de Myenmung masha RUHINGJA ni N gun madun ninghkap ai lam galaw ai hpe chye lu ga ai.

Ndai zawn UNHCR rung de n gun madun ai hpung ni hta, bawm lawm yang lawm na re, nga ai shiga na lu ai majaw, Malaysia Balik dap na Balik 100 jan hpe shim lam a matu UNHCR rung ting hpe wang shing grup sin tawn shangun da ai lam chye lu ai.

N gun madun hpung ni gaw minit 30 ram na hkra sa jahtau marawn nna bra mat ai lam chye lu ga ai.Ndai lamang hta woi awn galaw ai ningbaw ni gaw UNHCR rung kaw na,lai wa sai bat hta sha, Bungli shale kau ai Interpreter langai hte, 2006 ning hta shale kau hkrum ai interpreter langai ni re ai lam chye lu ga ai.

Malaysia UNHCR rung shawng kaw n gun madun ai lam gaw, ndai kalang hte nga yang lahkawng lang re sai lam chye lu ga ai.

Thursday, April 5, 2007

Asak 16 ning re shadang sha hpe Rela Balik ni rimmat wa More options

Mungdan shagu du nga ai J.W myu sha sai daw sai chyen ni hpang de Malaysia kaw byin nga ai shi ga hpe shana dat ga ai law.
Anhte a Jinghpaw wunpawng myu shadang sha ( Asak 16 ning re) ma langai gaw, mani (04/04/07) na ahkying aten hta e, hkrap ngu hkrap ngoi let, Police Lorry car kaw lawm mat wa ai hpe chye lu ga ai.
04/04/07, Jahpawt hkying 10:00am, Pudu gat kata e, Police hte Rela ngu ai volunteer marai 100 jan dang gaw, gat hpe wang tawn nna, masha yawng hpe passport (shr) IC hpyi san ai lam galaw ma ai. Tara nshang nga nga ai ni hte, UNHCR madi shadaw laika hte nga nga ai ni yawng hpe gaw rim mat wa ai lam chye lu ga ai.
Anhte a J.W shadang sha wa gaw manang langai hte jahpawt gat sa ai kaw, rim hkrum mat wa ai rai nga ai. Shadang sha gaw UNHCR laika pa hpe lang da ai rai nga tim, Malaysia Asuya kawn, refugee hpe masat masa n galaw ai nga, ndau shana ai hte maren, UNHCR laika pa hte nga nga ai ni yawng hpe rim nga ai lam re nga ai.
Shadang sha gaw shana daw hkying 07:00pm hta, Rela Office rung kaw nna Lenggeng Camp de sa kau hkrum sai rai nga ai.
Malaysia mungdan gaw, 1951 ning Refugee convention kaw sign htu ai lam nnga tim,Rights of Child ngu ai ga baw hta sign htu da ai rai nga ai. Ya na zawn asak nhpring shi ai masha ni hpe htawng, camp hkan rim rawng bang ai lam gaw, Human Rights hpe n hkung ga ai lam rai nga ai.
Dai majaw mungdan shagu du nga ai anhte a Jinghpaw wunpawng myu sha ni hpe lawu na hkring dat ni hpang de, Malaysia kaw nga nga ai Myen mungdan kaw na refugee ni hpe shinggyim masha shada tsawra myit hte matsan dum lama na matu, laika bang hpyi shawn ai lam galaw wa na hpe saw lajin dat ga ai law.
Myu sha lam hta,
Kam Li KDO-Malaysia

Wednesday, March 28, 2007

Wa na ngu yang mung nmai nga na ngu yang mung yak sai

Wunpawng tsin yam Malaysia-2007 ning myu sha ni nga nga ai shara myi

2007 ning gaw mung dan asuya ni tara shaja dat ai majaw myu sha ni nga yak wa sai.KDO malaysia ginra kaw Kyu hpyi let zinlum nga yang.
Myit ru shoi hpa lam nau myit ai majaw myit nau nzeng mat ai manang wa hpe Myit hte seng ai sara wun hte hkrum nga yang.
Kachin Myusha ni tamlu tam sha hkawm sa hkawm wa ten Hkala nba hkrum ai lam mung law law lang re. 6lang chywi da ai nma hkang hpe ri bai raw nga yang.
Saike(jakkayan)Galau nna lata nma sawng mat ai hpe MSF kaw na ni tsi lajang nga yang,

Myusha tsin yam ni a n gu manu lu na matu Kachin emblem galaw dut ai hta ap nawng shakut lawm ai lashi brang-KDO-rung gawk hta rai nga ai.


Laimat wa sai ten hta Malaysia mung dan hta du nna tam lu tam sha mu galaw nga ai Myu wun pawng sha ni yak ai nga tim.Bung li lu loi ai,Balik rim yang gum hpraw loi loi sha jaw ra ai.bai nna tara nshang nga ai ni mung UN lek mat hte nga yang Balik ni rim ai lam nau nnga ai.Rim hkrum yang UNHCR kaw na ni htawng kaw na du hkra hkan shaw la ma ai.Tara rung lung yang NGO's ni kaw nna tara kasa free shap nna jeyang daw dan ya ai lam ni nga ai.
Rai tim dai ning 2007-feb, shata kaw nna gaw Mung dan asu ya ni, Balik tara gaw hpan myi,Imigration tara gaw hpan mi ,rela ngu ai balik hpan mi rai nna lam myu myu hku nna rim je yang ai a majaw shoi chyum dik ai shaning nnan rai sai.
Hkyuk htawng de du yang mung UN de na ni nmai sa yu sai,Rim hkrum ai ni mung shing na dam hte htawng dam jat ya sai.Laiwa sai ten UNHCR a masha ni hpe shing gyim ahkaw ahkang hku nna chye na hkap la masat da ya ai lam re.Rai tim Malaysia mung dan gaw UN kaw e Geneva Conventions lekmat sign htu lawm ai mung dan nre majaw ndai UN law hpe hkan sa nra ai nga tsun ma ai.
Hpa majaw ndai zawn tara grau shaja nna Yak wa ai lam hpe Hpang de bai ka shana wa na ga ai.
Yak ai ten nga ai zawn pyaw ai ten mung du wa na hpe kyu hpyi let la nga ga ai.

Wednesday, February 28, 2007

shata myi hta kalang Amyu baw sang (Ethnic )ni a zup hpawng


28-Feb-2007,
1:30pm-3:pm,
KDO-Malaysia Kachin
Ethnic zuphpawng(ethnic from myanmar)
shata myi hta kalang Amyu baw sang (Ethnic )ni a zup hpawng hpe daini gaw Kachin Comunity shara e hkrum zup hpawng galaw ai lam chye lu ga ai.
KDO Malaysia Kachin comunity ginra kaw 1:30pm-3:pmdu hkra hkrum zup bawng ban hpawng galaw lu sai.Dusa ai myusha dat kasa ni gaw ,Hkang,Sam,Karen,Kareni,Mun,Arakan,Kachin myu sha dat kasa ni re lam chye lu ai.ndai zawn lang hte lang hkrum zup hpawng galaw wa ai hta dai ning gaw grau nna hku hkau lam lu la ai hte lak lai ai lam ni nga wa sai lam chye lu ai.Law malawng bawng ban hkrup ai lam ni gaw Ndai zawn myu sha (Ethnic) ni myen mung dan e dip rip hkrum nna du sa wa ai ni a Jamjau tsin yam hkam sha ai lam hpe bawng ban ai lam chye lu ai.Shawng lam de gara hku nna galaw sa wa yang grau htap htuk na lam ni hpe bawng ban ai lam chye lu ai.Mung masa hte seng nna laksan bawng ban ai lam gaw nnga tim hku hkau ai shada jahta bawng ban ai lam ni chye lu ga ai.

Tuesday, February 27, 2007

Wunpawng mungdan gaw gap na ngu ai pandung du ai kaw du hkra

Wunpawng mungdan gaw gap na ngu ai pandung du ai kaw du hkra ngu ai hta dai ninggam hpe matut n’na lahkam sa wa na matu gaw, dai ni na nang ngai maigan du nga sai Wunpawng annau ni yawng a lit nan rai nga saga ai.
Mungkan ningtsa hta Israel mungdan ngu n’na, 1948 ning May 14 ya shani, tara shang dan dawng byin pru wa ai lam a ningpawt hpe gawn yu ga nga yang, ‘shanglawt lu ai Israel mungdan’ ngu ai hpe gaw gap sa wa mayu ai (maigan shara shagu hta chyam bra ayai hkawm nga ai) Israel myutsaw mungtsaw shayi/shadang ni hku n’na 1897 ning August shata hta, Basel mare (Switzerland) kaw n’na shakut shaja hpang wa ai lam rai nga ai.
Dai ni, Wunpawng Hkanan ngu n’na shagrau tsun tsun rai nga ga ai, anhte a Wunpawng Mungdan hpe gaw de sa wa lu na matu hte nawng, mungkan ningtsa hta Kachin ngu ai identity langai mi dan dawng paw pru wa lu ai kaw du hkra shakut shaja sa wa na matu ‘amyusha lit’ ngu ai gaw, dai ni maigan de du nga sai Wunpawng annau ni a kahpa ningtsa hta e nan rai nga sai lam hpe, dum hprang ra nga saga ai.Masa lam ni amyu myu a majaw, grai yak hkak ai lam ni a lapran hta amyusha lawt lam a matu, amyusha ni a rawt jat galu kaba lam ni a matu, mai byin ai maga hku n’na ‘amyusha ni a matu ahkaw ahkang kachyi mi sha pyi lu yang lu’ ngu ai masing hte, mungdan kata kaw nga let shakut shaja nga ai amyusha ningbaw ningla ni, sai-daw sai-chyen kaji kaba ni, a galaw sa wa nga ai masing lam ni hpe mara tam let ninghkap nga na malai, maigan mungdan shara shagu hta du hkawm nga sai myutsaw mungtsaw Wunpawng an-nau ni hte mungdan kata kaw mai byin ai hku n’na shamu shamawt nga ai myutsaw mungtsaw Wunpawng an-nau ni galoi mung myit mang a hkrum sha, lata gin dun let, amyusha lamyan hta ra ang ai ni hpe n’gun dat let shakut shaja sa wa nga ai rai yang, dai Wunpawng Hkanan ngu ai Wunpawng Mungdan hpe, mungkan ningtsa hta, gaw gap shadan shadawng sa wa lu na lam nan rai nga ga ai.
Posted by jinghpawprat at 7:48 PM http://jinghpawprat.blogspot.com/
music--http://www.youtube.com/watch?v=IZtYr9NnNb4
http://www.youtube.com/watch?v=As8TryqsqPE

Thursday, February 22, 2007

KADAI LIT LA NA?




Myutsaw myit rum ni e dai ni an hte Wunpawng buga hpe ja hten nga sai, nang ngai yawng chye ai hte maren re,Ya ten hta hpang rai n hkrat shi ai Myu hte mung dan hpe Kadai lit la na?>>> more info:>>>click and see>>>>


Kachin song'' KACDAI LIT LA NA''




Thursday, January 18, 2007

KBCF = MKBC zuphpawng 2007


Laiwa sai 14-Jan-2007 shani KBCF (Kachin Bawng ring Christian Fellowship) kaw nna zup hpawng galaw ai lam chye lu ai.KBCF ningbaw kaw nna 2005-2007 Mugun ladaw htum mat sai lam ndau shabra dat sai.Ya dai ni kaw nna 2007-2008 (2) ning a matu Mugun nnan ni hpe lata san mat wa na re lam shana sai.Sara Rev:Pausa Gam Hpang kaw nna kyuhpyi ap nawng let ralata poi hpe galaw ngut kre la lu sai lam chye lu ai.
>>>more Info:

Video clip


Thursday, January 4, 2007

Rev: Dr.Saboi Jum a Happy new year munga

Malaysia du jinghpaw Wunpawng myu sha ni gaw Buga hte tsan gang nga ga ai rai tim,
Mungdan shara shagu de na Hpung woi myit su ni hte Ningbaw ningla ni tut e Gawan gatsan rai,
N- gun jaw, hpaji jaw, munga jaw ya ai Karai a shaman chyeju lak san hkam la nga ga ai law.....>>More info:>> http://kachinkbcf.blogspot.com

Wednesday, January 3, 2007

Tsin yam Malaysia shiga ni hte masa ni

De:
Tsawra hkungga ai mungdan shagu du, J.W myu sha ni yawng hpe shawng ningnan ngwi pyaw ai shaning nnan rai nga u ga ngu, hkrum shakram dat nngai law.
Malaysia shiga ni hte masa ni hpe n tsun shana lu ai ram ram wa na mat nga sai rai nga ai. Lai wa sai shata (December) hta gaw, Malaysia UNHCR hte tsinyam wuhpung ni lapran, ram ram wa hkrum zup byin lai wa sai rai nga ai.

Malaysia UNHCR kawn, new registration hpe Hkang(Chin) hpu nau ni hpe sha lani mi hta marai 24 jaw ai a jaw e, ngam nga ai myen mung myu baw sang ni hku nna, Malaysia UNHCR representative Dr. Volker hte hkrum zup na matu laika tang shawng ga ai rai tim, Dr. Volker gaw UN ginjaw Geneva rung de du nga ai majaw, shi a malai , Registration Manager Madam. Ellie hte sa du hkrum zup ga ai.

Officer wa a myu lakung langai hpe sha jaw ai masa hpe sang lang dan ai lam gaw; US Government kawn Malaysia du nga ai Chin Refugee ni hpe hkap la na nga ai majaw re hpe tsun shana ai. UNHCR Malaysia a galaw wa ai policy yawng gaw UNHCR Geneva rung kaw na matsun ni sha re lam mung gahtap tsun shana wa nga ai. Hpu nau Hkang ningbaw ni hpe hkrum shaga yu yang, maigan du Hkang wuhpung ni hte Chin Human Rights Organization(CHRO) hku nna, refugee resettlement hpe pawt tawn da ai USA state department de 2005 kawn ja ja adawt nga ai a asi re nga ai hpe tsun shana wa nga ai.US Government kawn Malaysia du nga ai Chin refugee ni hpe laning mi hta hkying kaba hku shaga wa na re hpe mung gahtap tsun shana wa ma ai law.

UNHCR Malaysia gaw 2007 ning shawng daw de gara masa hku sa wa na lam gaw ya ten tau hkau nlu chye lu ga ai. Rai tim, anhte J.W myu sha ni mung ndai zawn hpu nau myu baw sang ni zawn ahkaw ahkang lu mayu ai rai jang gaw, refugee hkap la ai mungdan Asuya de tang shana ra nga ai hpe chye lu ga ai.

Malaysia kaw ya ten J.W myu sha ni marai 2,000 dang re wa sai rai nna, UNHCR kaw marai 300 grup yin register lu galaw da ga ai. Malaysia kawn refugee ni hpe hkap la ai mungdan ni gaw; USA, Canada, Australia, Newzeland, Denmark, Norway mungdan ni rai ma ai. Maigan mungdan (third countries) de marai 20 dang le pru wa lu sai. Marai 20 dang gaw mungdan hkrat nna, sa na matu la nga ma ai. Marai 100 grup yin gaw refugee masat masa(Card) lu da nna, gara mungdan mung n lata shi ai ni rai ma ai. 300 grup yin kaw na ngam nga ai ni yawng gaw "still under consideration" laika pa hpe lang da ai ni rai ma ai. J.W myusha law malawng gaw Malaysia mungdan kaw tara nshang ai sha nga nga ai ni rai ma ai.

Myen mung hta Hkristan law ai myu baw sang masum nga nga ai. Dai gaw Karen, Kachin, Chin ni rai ma ai. Karen ni gaw Thailand refugee camp kawn law law wa maigan mungdan kaba de shanhte a masha ni hpe shalai dat ma ai. Chin ni gaw Malaysia mungdan kawn maigan mungdan de shanhte a myusha ni hpe shalai dat ma ai.Ndai hpu nau ni shanhte a yaw shada lam hpe tsun ai gaw, "ya prat gaw laknak hte majan gasat nna, mungdan lu na yak wa sai;hpaji npawt tawn ai rawt malan she mungdan lu na re"; nga nna tsun dan wa ma ai. Myen mung myu baw sang ni lapran e, du wa na shaning 10 ning lapran hpaji chye ai ramma tsa lam shadang hku nna, anhte J.W myusha ni hta sha gaw law nga na re hpe myit tsang shing ran nngai.

Anhte J.W myusha ni gaw tinang mungdan hpe tsawra ai ni chyu gaw rai ma ai. Sutgan nga ai kaw myit masin nga ai lam rai nga ai. Rai tim, anhte a sutgan ni, lamu ga ni yawng gaw ya ten maigan myusha ni a lata de lawm mat wa nga sai rai nga ai. Dai majaw anhte J.W myu sha ni reality byin nga ai hpe hkap la let, logically galaw ra ai magam amu bungli hpe nhkrit ntsang, gwi gwi jawm galaw ra nga sai hpe mu lu ai law.
Anhte Malaysia kaw du nga ai J.W myusha ni gaw, buga de e kaja wa nan hkam sha nga ai J.W myusha ni a nsen hpe UNHCR kawn, mungkan de ndau shana nga ai ngu sha hkam la ga ai law. Lahta na ningmu ni gaw Malaysia kaw du nga ai J.W myusha ramma langai a ningmu sha rai nga ai law. Shut shai ai lam nga yang mung mara raw ya marit. J.W myusha ni yawng a ntsa e, K.K a ngwi pyaw ai hte shaman chyeju gaw tut anga nga u ga law.
Myu sha lam hta,--Tangbau KamLi ---K.D.O.Malaysia

Malaysia Mungdan hta e shanu nga ai Jinghpaw wunpawng myusha ni KDO-KRC Kachin Development Organization (20) Ning hpring poi lamang galaw

  KRC Ningbaw Sum Hka La Seng Poi Amu madu Shd. Hpaude Jaw Tu Hkawng & Shy. Maru Lu Lu Seng Poi Shabyin Shatai Komiti