Kachin Development Organization Malaysia a Zahpawng saw shaga laika

Hkung ga let,

Mai gan mungdan shara shagu kaw du nga ai Jinghpaw wunpawng myu sha ni hpang de, Malaysia du Jinghpaw wunpawng myu sha ni hte rau sha, Kachin Development Organization (KDO) kawn Febuary 7,2008 hta, 2007-2008 ladaw zuhpawng (KDO ra lata poi hte hpawn) langai galaw na ga ai majaw, sa du shang lawm na matu saw shaga dat ga ai law.
Zuphpawng lamang hpe lawu na hte maren galaw sa wa na rai ga ai.
Saw shaga ai,

Poi shabyin shatai committee,
Kachin Development Organization
Kuala Lumpur
_________________________________________

2007-2008 KDO zuphpawng Lamang
Kuala Lumpur,Malaysia

Nhtoi: Febuary 7, 2008
Shara: Chinese Assembly Hall
Aten : 02:00pm-06:00pm

Announcers: Shd. Joseph Bya (In English)
: Shy. Sumlut Htoi Lu (In Bumese & Kachin)

Ø Zuphpawng lamang hpe htawn shana na
Ø Hpawng ap kyu hpyi na (Dr. Winnie Zanhta)
Ø Hpawng hpaw ai lam ndau shana na
Ø Jinghpaw wunpawng mungdan dawng hkawn hpe hkung ga jaw na
Ø Hkalum ga tsun na (Shd. Nwawt Hkun Seng,Amu madu-KDO)
Ø Laning mi tup na galaw lai mat wa sai hpe tang madun na (Shd. Tangbau Kam Li, Ningbaw-KDO)
Ø Hkamja lam hte seng nna tang madun na (Slg. Ah Dee Gwa)
Ø Num ma hte laika hpaji lamang hte seng nna tang madun na (Shayi Nhkum Lu Lu)
Ø Ma ni a Htunghkring Ka hkrang hte hkra shala dan na
Ø UNHCR (shr) NGO dat kasa kawn n gun jaw ga tsun na
Ø Myen mung myu baw sang ni yawng a malai datkasa langai kawn n gun jaw ga tsun na
Ø Maigan mungdan kawn sa du ai datkasa langai kaw nna, n gun jaw ga tsun na
Ø Shana ra ai lam hpe shana na
Ø Htunghkying ka hkrang ni hte hkrang shala na

- Bukit Bintang Jawng ma ni a Ka hkrang
- Bukit Bintang Ramma ni a Ka hkrang
- Rawang Ka Hkrang
- Li Su Ka Hkrang

Ø Ra lata poi committee ni shara la na
Ø Ra lata poi committee ni aten la mat wa na
Ø Mu gun nnan ni hpe ndau shana na
Ø Kumhpa shagrau sha a na
Ø Mu gun nnan ni hpe kyu hpyi ap nawng shaman ya na
Ø Hpawng ngut ai lam ndau shana na

Panglai Hkin gau De Hkristmast poi rawt sai (2007)

Malaysia Mungdan du Jinghpaw Wunpawng myusha ramma hte sara /sara num ni yawng dai ning na Hkrsitmat hta kalangbai Port Dickson Panglai hkin gau de ngwipyaw ai hte rawt sai.
Hkristmat poi lamang hta sharin hpawng hta ginsup ai lam,ram ma ni hpe myit sharawt hkaw tsun ai lam,myusha ramma ni shada kahkyin gum din zinlum ai lam hte kaga pyaw hpa lamang ni law law re ai hpa chye lu ai.Ndai Hkrist poi lamamang hpe woi awn ai ni gaw MKBC naw ku hpung kaw na woi galaw ai re lam chye lu ai,24,25,26 December 2007 Masum ya tup poilamang galaw na lam chye lu ai.Matut nna bai shana wa na lam chye lu ai.

Malaysia Mung dan kaw UN lekmat hte shata ( 7 ) htawng rawng nna pru wa ai wa hte ( san & htai )

http://www.supload.com/listen?s=OXW8PNSIQ39U ( 1st )

http://www.supload.com/listen?s=WXVWE5HS5FCI (1)
http://www.supload.com/listen?s=3NJSYKDJCWL5 (2)

17 Nov 2007 KDO Member Graduate Day

KDO Malaysia Kaw na marai 2 gaw dai ni 17 Nov 2007 shani 2:30pm hta Malaysia mungdan Kalang mare hta Counselling hpaji hpe sharin ngut kre la lu sai lam chye lu ai.
Shawng de MSF Belgium Mungdan kawn hpaw tawn ai NGO's hta magam gun ai sara ma Mery Chew(Malaysian) Kaw nna KDO kaw na marai lahkawng hpe Madi shadaw garum ya ai lam chye lu ai.Jawng shabrai hte ra ai lam ni hpe garum ya ai lam chye lu ai.
sara Ma Mery chew Garum ya ai Jawng ma yan gaw shata 6 (108 Hrs).Laban bat myi hta kalang hpaji sharin la ngut ai hpang dai ni gaw hpung dim dat Jawng yu poi shang lawm sai lam chye lu ai .KDO kaw na hpaji sharin hkam la lu ai yan gaw Sarma Nhkum Lu lu (shatapru) hte Shd : Wundang Seng (Hugawng Danai) de na yan re lam chye lu ai.
Malaysia mung dan na Myanmar refugee Tsin yam, myit daw myit hten myit ru tsang hkrum ai ni hpe shalan shabran ai lam galaw ya nga ai Uhpung ni hte ta gin dun garum ya nga re lam chye lu ai.

Malaysia du Wunpawng myusha ni rim hkrum ding yang rai nga

Shd .Tusau gaw 03.11.2007 shani Bungli tam na matu Kota raya Bustation de sa wa yang 3:00pm ram hta Relahte Balik ni ram kau ai re lam chye lu ai.Rimla nhtawm Pudu htawng kata kaw 10 ya sharen da nna dai ni lawt lu wa sai lam chye lu ai.

Shd.Tusau gaw Hpa lekmat mung nlu ai (Wadi hte nga ai )majaw IPD balik du wa hpe Malay Gumhpraw 350 jaw nna lawt lu wa ai re mung chye lu ai.KDO mumadu wa kaw nna Pudu htawng kaw sawoi la ai re lam chye lu ai.
UNHCR lekmat lang Passport lang ai ni rai tim mung Malay ga.Enlish ga nchye ai ni hpe gaw Balik ni rim shagyeng nna gum hpraw hpyi sha sha re ai lam chye lu ai.

Dai majaw Malaysia Du Wunpawng myu sha ni grai sadi nna nga ra na lam shana dat ai law.

Myen mung masha tsin yam ni hpe Mtsan dum

Shadang sha Sumdu Htoi mai lawt pru wa, Asak 16 ning re shadang sha gaw UNHCR lekmat hte hpawn Malaysia Balik ni rim la nhtawm Hkyuk htawng jahkrat kau ai shata 6 na ai hpang dai ni bai lawt pru wa ai re.shadang sha gaw Htawng langai hpang langai htawt sharawng hkrum ai hku re,Htoi Mai hpe sharen da hkrum ai hkyuk htawng ni gaw : Kajang Jail,Semenyi camp,sg buloh ,jail ,putrajaya hkyuk, lengeng camp ndai ni re. Kaja wa nga yang UN masat lek mat hte rai nna Htawng de sharen da hkrum ai ni gaw nhtoi 14 ya
laman UN de na ni sashaw la jang lawt lu ai lam nga ai.Rai tim shadang sha gaw 2007 shaning nnan Malaysia mung dan Tara galai mat nna, UN ni Hkyuk htawng de nmai sadu ai majaw shadang sha gaw ya na zawn aten galu sharen da hkrum ai lam re hpe chye lu ai,Bai nna asak 18 ning nhpring ai ma ni hpe gaw 18 ning hpring hkra
htawng kaw sharen da nna she shalawt ai lam mung na chye lu ga ai. Ya na zawn dai ni Htoi mai lawt lu ai lam gaw myen mung de masa shuk (bukda pungyi hte mung masha )ni hpe hpyen asuya wa gap sat ai a majaw Myen mung tsin yam ni hpe Matsan dum nna shalawt dat ai re lam mung chye lu ai, Ndai shata lawt pru wa lu ai jinghpaw wunpawng myu sha ni gaw : slg jan : Pan ing (Australia de ),Shayi : seng hkam,Shd: Htoi mai,Shd: Maran Hkun seng,Shd: Bawm htang,Shd: sharoi,Shd: Galau Gam,Ndai ni re hpe chye lu ga ai.

ETHNIC NATIONALITIES JOINT FORCE (BURMA) demonstrations at Kualalumpur

2 Oct 2007 shani Jahpawt (9:00 am-11:00pm ) du hkra ngun madun ai lam hpe Myen mung dat kasa rung, China (Miwa mung)Dat kasa rung, Russia mung dat kasa rung hta galaw lu sai lam chye lu ai. N gun madun ai ni gaw Matut manoi n gun madun ai lamang hpe Malaysia mung dan Kualalumpur mare kaba e awng dang ai hte galaw ngut kre la lu sai, Dai ni na lamang hta laklai ai lam ni gaw, Myenmung nga amyu baw sang Kachin,Karenni,Karen,Arakan,Shan,Mon,Chin ni myit hkrum myit ra hte shang lawm ai lam re.ndai zawn rau jawm n gun madun lu ai gaw No(1) lang mung re hpe chye lu ai.Bai nna Malaysia mung dan asuya Balik dap ni mung nrim ai sha atsawm makawp maga ya ai lam chye lu ai. Dusa ai ni gaw Jinghpaw wunpawng amyu sha yawng-200 jan hte laga amyu sha Yawng-2500 ram re lam chye lu ai.

More picture ++ http://www.slide.com/r/btRJAgO56j8o8A4e-UyUG9o0CStb1vNW?previous_view=mscd_embedded_url&view=original
More Video +++
http://www.youtube.com/watch?v=txvQVdZ4FZg http://www.youtube.com/watch?v=KSs5JgcI_2w http://www.youtube.com/watch?v=xaBswnatzWM