(Kachin)Malaysia du WP myusha ni a 2006 na hpang jahtum Hpawng daw dan ai lam ahkyak

31.Dec.2006,Ten: 7:00pm --9:30pm,,

shara : Bukitbintang,K.D.O malaysiasia,,

K.D.O ningbaw shd Kamli tangbau woi awn let Hpawng hpe hpang wa sai hku re.

Dusa ai Myitsu salang ni gaw:Malaysia mung dan hta e ap nawng nga ai U hpung yawng kaw na ning baw ni shang lawm ai hku re.KBCF,KCF,KNO,KDO,Wunjat unity,

Hpawng hpe ahkyak kaba (3) hku nna bawngban daw dan da lu sai lam chye lu ai.

1. 2007 shaning nnan hta Jinghpaw wunpawng mungshawa yawng hte myit hkrum bawng ban hpawng kaba galaw sa mat wa na lam. Aten hpe miwa shaning galai(gawnyen) hta galaw na lam,

2. K.D.O Malaysia hpe Grau htap htuk ai hku nna (K.R.A)Malaysia hku nna mying shamying let Tsinyam hte seng nna tangdu hkra UN hte tagindun let galaw sa wa na lam.

3. Duwa na shaning nnan kaw nna Ningbaw hte mugun nnan ni hpe shawara latasan(election)galaw na lam.

K.D.O Malaysia hpe hpa majaw mying galai?

Ndai hte seng nna KDO ning baw Kamli hku nna galu galang sang lang dan lai wa sai,Matut nna Du na ra ai Hpawng hta e mung mung shawa yawng chye na hkra sang lang dan mat wa na re lam chye lu ai.

Kachin development organization hku nna Magam bungli ni hpe galaw mat wa ai ten,Yak hkak ai lam ni law law pru ai.Maigan na garum ningtum hpung ni hte,UN de na ni rau ta gin dun sa wa ai ten,Development gabaw hku nna rai jang shan hte n karum ra sai lam tsun ai,Bai nna Development ngu ai gaw Gumhpraw manu mana lu ai ni,(shr)mungdan asuya kawn Masing jahkrat ai baw she re nga ma ai.
Dai re majaw an hte Tsinyam hkrum sha nga ai kachin ni a hkrun lam hte htap htuk ai Kachin refugee hku nna sa wa ga nga nna bawng ban ai lam hpe chye lu ai.( ndai lam hte seng nna du na ten naw matut na)

KBCF a Hpushawng hpuba lamabrang hku nna Hpaji jaw mung ga,Dai ni an hte WP shani Hkristu a tsaw ra myit hte myu a matu ap nawng ga.ngai ndai uhpawng kaw shang lawm nna hpa baw akyu wa lu mai na kun ngu ai (Mayam myit jasat)hku nre sha,Naw kajai kadun nga ai Tinang a myu a matu ngai kade ram ap nawng daw jau na ngu ai (Magam myit)Madu myit hte daw jau ga..ndai lam hpe shatsam lai wa sai.

KCF,Wunjat unity a Myitsu Hpushang hpuba Sara Brang Kaw nna,Ayak ahkak rai, ning re maigan mung dan e ten,n gun atsam,myit nyan shaw let ap nawng shakut nga ai myu sha ning baw ni hpe grai nan shakawn shagrau ai lam tsun sai.

KNO Malaysia a lit hkam Munghkawng brang Kaw nna,Kachin refugee hku nna UN hte tagindun galaw sa wa ai lam gaw htuk sai,Wunpawng jinghpaw mung dan shanglawt sha nlu ding sa Tsin yam gaw nga chyalu sha re,dai majaw ndai hku bawng jahkrup ai lam gaw htuk sai nga tsun sai.

Hpu shawng hpu ba Ngua Deegua lay Hku nna shatsam ai lam gaw an hte a shawng lam a matu gwigwi myit mang hkrum let galaw ga,Ndai kaw member shang nna shim lam hta ahtuhkra na hpe tsang nra ai.Ndai hte seng nna an hte Document ni Prat dep system langlet hpe grai shim ai hku lajang da ai re.nga tsun sai.

SangdongRam hku nna tsun ai gaw Election galaw na hte seng nna gaw nan hte myit su ni hku nna gadai gaw hpa baw hta ning tawn nga ai ngu ai hpe grau chye na re majaw Jahkrup nna an hte hpe mung shana marit shang lawm na ga ai nga tsun sai.

Yawng law malawng gaw masha law law shang lawm let yawng a ra sharawng ai ningbaw magam gun nnan ni hpe san da mugun na lam myit hkrum sai.

ralata poi comission ning baw hpe shd nwt Hkunseng hteLakang dau hkawng,CH.Gumhpan,Labang naw seng,Peter lathun,Hkamung tuja,ndai myit su ni kaw nna woi awn na lam yawng myit hkrum let shatsam sai.

Hpang jahtum hku nna,Hpn.Gumja awng kaw nna Bung li hpe kang ka hkra shakut ga,Hpa galaw tim asan seng rai yawng chye na hkra galaw ga,shachyen ai lam mung galaw ga.Ik(Buk)kaba shagaw hpai,Hpa hte seng ai kun gaw nchye,ning baw wa hpe mung duwa,Lauban wan,sara,Yu yang sra ma zawn sawn ai hkrai..Kadai gaw gara hte seng ai hta lit nga ai lam mung asan sha rai nna shakut ga ngu tsun sai lam ni chye lu ai.

Ndai gaw Malaysia du Wp myusha ni a 2006 na hpang jahtum Hpawng a daw dan ai lam re.
Ka matsing Labau Mazing,
KDO amu madu: Nwawt Hkun Seng