Tuesday, January 27, 2009

2009 ning KRC mung shawa zuphpawng hte' mu gun ningnan lata hpawng hpe a ngwi a pyaw sha galaw la ngut

Sa du dung lawm ai salang ni

2009 ning, KRC a mung shawa zup hpawng hte' mu gun ningnan lata hpawng hpe, 26.1.2009 ya shani a ngwi a pyaw hte' sha galaw la ngut saga ai. N-dai lamang hta, sa du dung lawm ai shawa masha gaw (130) daram sa du shang lawm lai mat wa sai hku re. Lamang hpe daw langai hte' lahkawng garan n-htawm, daw langai lamang hta gaw, 2008 ning KRC gun hpai wa ai, magam bungli ni hte' seng n-na, du sa ai shawa masha ni hpe, tang madun ai lam galaw lai wa sai. Daw lahkawng hku n-na gaw, 2009 ning hta KRC kaw magam gun na, mu gun ningnan ni hpe bai lata jasan ai lam galaw lai wa sai hku re.

Mungdan Dawng Hkawn hpe hkungga jaw nga yang

N-dai hta, 2009 ning KRC a Ningbaw hku n-na Sara Labang Naw Seng hpe lata jasan da lu sai. Lata Hpung(nomination committee) ni, Ningbaw ngu n-na lata tawn ai Sara Labang Naw Seng hpe shawa masha yawng mung myit hkrum sai majaw shi hpe Ningbaw shara hta shatsam dat lu sai.

Ningbaw Malai, Amu Madu, Ningtau Amu Madu shara ni hta, mu gun na masha ni hpe, 'lata hpung' ni lata da ai masha ni, shawa de' shachyen dat ya ai shaloi gaw, shawa n-kau mi hte' 'lata hpung' ni a lapran ning mu loi shai hkat wa ai hpe mu lu ai. Dai majaw, 'lata hpung' ni hku n-na, shanhte lata da ai, masha ni hpe n-ra jang, gara masha hpe mahtang grau htap htuk manu na ngu ai hpe, tsun ya marit nga let, 'lata hpung' ni jahkrat da ai rip kawp manga a n-pu e', shawa hte' 'lata hpung' ni, ning mu htai lai hkat lai wa sai.

Ningmu htai lai hkat nga yang

N-dai hta, gum rawng gum sa(democracy) ladat hku n-na, shawa masha grau law hkap la ai masha hpe seng ang ai shara ni hta, shatsam wa ai shaloi gaw, mi na 'lata hpung' ni daw dan da sai hku sha mahtai pru wa ai majaw, lata da sai magan gun ningnan ni hpe, shi shara hte' shi shatsam da lu sai.


Zuphpawng hpe shana de' hkying manga daram hta a ngwi a pyaw sha shangut la lu sai lam shana dat ga ai.


Ningbaw: Sara Labang Naw Seng

Ningtau Ningbaw: Sara Aram

Amu Madu: Salang Roben

Ningtau Amu Madu: Maji Brang Nan

2009 ning hta KRC kaw mu gun ap-nawng na, KRC Ningbaw Ningla ni

1 comments:

  • htingnaikkachin says:
    March 3, 2009 at 11:49:00 PM PST

    Ya na zawn Myu Sha ni hpe lam woi matsun madun, garum shingtau la na Mu Gun n nan ni hpe kalang bai jaw ya ai majaw Karai a chyeju hpe shakawn ai. Mu Gun nnan ni yawng a ntsan Karai Wa tut e bau sin makawp maga shaman jaw ya ai a marang e galaw sa wa ai magam bungli ni yawng awng dang ai lam lu la u ga. Myu Sha ni hpe Myu, Hpung Garan Ginhka ai lam n nga ai sha Myu Tsaw Myit majing hte woi awn pawn ba sa wa lu u ga tut e kyu hpyi ya nga n ngai. Magam gun nnan ni yawng a ntsan Karai Wa bau sin shaman ya u ga.