Saturday, June 28, 2008

Malaysia kaw, machyi makaw hkrum wa yang

Malaysia kaw du nga ai Jinghpaw Wunpawng amyu sha Nu, Wa ni yawng chye da ra ai gaw Machyi Makaw hkrum wa ten hta tsi rung tsi gawk n-chye sa ai rai yang anhte KRC rung de ading tawk matut mahkai wa marit. Anhte KRC gaw ACTS ngu ai NGO tsi gawk hte matut mahkai let Machyi masha ni hpe tsi tsi ya ai lam hpe galaw ya nga ga ai. ACTS gaw UN a lawu na tsi gawk langai mung rai nga ai. Tsi rung (sh) tsi gawk sa ai ten UN Card (sh) KRC Card lang sa ra na.

Hka la n-ba hkrum wa ai ten, byin ai hte rau byin ai shara kaw na KRC rung de shiga shawng shana wa marit. Malaysia mung shawa tsi rung kaba hta Machyi Makaw hkrum na tsi tsi la ra ai rai yang tsi rung shang shabrai (Deposit) gaw RM 400-800 rai nga ai. RM 400 gaw grai nsawng ai ana ni a matu rai n-na, RM 800 gaw grai sawng ai ana, Ga shadawn- Ga lajang ra na ana ni a matu rai nga ai.

Ma hkum ni shata manga du wa yang shawng n-nan, Ma hte Kanu tsi gawk (sh) Mother and Child Care Center kaw shawng register galaw ma hkum hpe ap da ra ai. Dai hpang UN lekmat n-lu shi ai ni gaw dai Ma Hkum ap ai laika pa hte UN rung kaw appointment shang la ra ai. Dai hpang Ma Shangai na ten ni wa yang Malaysia Mungdan Mung shawa tsi rung kaba kaw shangai la mai ai. Tsi rung sa ai shaloi madu nga ai n’ta hkring dat la sa wa marit. Matut mahkai mai ai Hkringdat ni,


Ph . Setapak
- 016-3223601
- 016-3223204

Bukit Bintang
- 03-21450430
- 016-3223159

“ACTS Tsi Jaw Gawk Hkring dat”


ACTS Clinic @ Brickfeilds
44A Jalan Padang Belia, Brickfeilds
50470, Kaula Lumpur
Tel: 03 – 22722585

Clinic Times

Monday to Thursday
9:30am to 1pm
2pm to 5pm

Sunday
9pm to 1pm

Registrations
9:30am to 11:30am
2pm to 3pm

0 comments: